Monday, December 10, 2007

പൊന്നുമക്കള്‍

ഇവരമ്മതന്‍ പൊന്നുമക്കള്‍
അമ്മ നൊന്തുപെറ്റുപാലൂട്ടി വളറ്ത്തിയോര്‍
ഇന്നാ പാലൂറ്റി വില്‍ക്കുന്നോര്‍.

വരത്തന്മാര്‍ പയറ്റിയ ഭിന്നിപ്പിക്കലിന്‍ തന്ത്രത്താല്‍
ആണ്ടുതോറും മാറാടുമയോധ്യയും തീര്‍ക്കുന്നോര്‍
മാതാവിന്‍ മാനത്തെ വിറ്റിട്ടും-
മുതലാളിയ്ക്കു റാന്‍ ചൊല്ലുന്നോര്‍

അമ്മതന്‍ മാറ്തുരന്നുമണി-
മാളികയ്ക്കു കല്ലെടുക്കുന്നോര്‍.
പിന്നെയുമാ തായുടെ കണ്ണീരിന്‍-
ഉപ്പെടുക്കാന്‍ ഗവേഷണം നടത്തുന്നോര്‍

കാമത്തിന്‍ ഭ്രാന്തിനാല്‍ പിതൃത്വവും,
സാഹോദര്യവും മറക്കുന്നോര്‍.
എന്നിട്ടുമവരെ സ്നേഹിക്കുമാ പാവത്തിന്റെ‍,
സ്നേഹത്തിന്‍ കച്ചവടമൂല്യമളക്കുന്നോര്‍.

ഇവരമ്മതന്‍ പൊന്നുമക്കള്‍
അമ്മ സ്നേഹിച്ചു മോഹിച്ചു വളറ്ത്തിയോര്‍.

9 Comments:

Blogger ശ്രീ said...

"അമ്മ നൊന്തുപെറ്റു പാലൂട്ടി വളര്‍‌ത്തിയോര്‍
ഇന്നാ പാലൂറ്റി വില്‍ക്കുന്നോര്‍...
.............
പിന്നെയുമാ തായുടെ കണ്ണീരിന്‍-
ഉപ്പെടുക്കാന്‍ ഗവേഷണം നടത്തുന്നോര്‍...
.............
എന്നിട്ടുമവരെ സ്നേഹിക്കുമാ പാവത്തിന്റെ‍,
സ്നേഹത്തിന്‍ കച്ചവടമൂല്യമളക്കുന്നോര്‍.”

വളരെ നല്ല വരികള്‍‌... നന്നായിട്ടുണ്ട്.

10:44 pm  
Blogger സാക്ഷരന്‍ said...

നന്നായിരിക്കുന്നു

2:45 am  
Blogger ജിഹേഷ് എടക്കൂട്ടത്തില്‍|Gehesh| said...

കായേലും ആബേലും തുടങ്ങി വച്ചത്...നാമിപ്പോഴും തുടരുന്നു...അല്ലേ?..

വരികള് കൊള്ളാം :)

4:27 am  
Blogger ഉപാസന | Upasana said...

കല്യാണീ,
നന്നായി പുരോഗതിക്കുന്നുണ്ട് കവിതാ രചന. ഇതിന് നല്ല അര്‍ത്ഥവ്യാപ്തിയുണ്ട്.
കാലികപ്രസക്തി ഉള്ളത്...

ഇനിയും എഴുതുക നല്ല നല്ല കവിതകള്‍
:)
ഉപാസന

7:59 am  
Blogger വേണു venu said...

ഇതാണെന്‍റെ പൊന്നുമക്കള്‍‍.
നല്ല വരികള്‍‍.:)

10:10 am  
Blogger ഏ.ആര്‍. നജീം said...

കാമത്തിന്‍ ഭ്രാന്തിനാല്‍ പിതൃത്വവും,
സാഹോദര്യവും മറക്കുന്നോര്‍.
എന്നിട്ടുമവരെ സ്നേഹിക്കുമാ പാവത്തിന്റെ‍,
സ്നേഹത്തിന്‍ കച്ചവടമൂല്യമളക്കുന്നോര്‍.

ഒരു യഥാര്‍‌ത്ഥ അമ്മയുടെ ചിത്രം..!
ആശംസകള്‍

5:21 pm  
Blogger മഞ്ജു കല്യാണി said...

ശ്രീ,സാക്ഷരന്‍ ചേട്ടന്‍,ജിഹേഷ് ഭായ്,ഉപാസന,വേണുമാഷ്, നജീമിക്ക എല്ലാവറ്ക്കും നന്ദി...



ഓ.ടോ:സത്യത്തില്‍ ബൂലോകം നല്‍കുന്ന ആത്മവിശ്വാസം വളരെ വലുതാണ്‍.കാലങ്ങളായി അപകറ്ഷതാബോധത്തിന്റെ തൂവാലയില്‍ പൊതിഞ്ഞ് എന്റെ ഡയറിയ്ക്കുള്ളില്‍ ഞാന്‍ സൂക്ഷിച്ചിരുന്നവയാണ് എന്റെ ഈ ചെറിയ സൃഷ്ടികള്‍. അവയെ വെളിച്ചം കാണിക്കാനുള്ള ധൈര്യം തന്നതു ബൂലോകമാണ്‍...

നന്ദി!

10:37 pm  
Blogger അമൃതാ വാര്യര്‍ said...

" എന്നിട്ടുമവരെ സ്നേഹിക്കുമാ പാവത്തിന്റെ‍,
സ്നേഹത്തിന്‍ കച്ചവടമൂല്യമളക്കുന്നോര്‍"

നല്ല വരികള്‍ ... ആശയം കൊള്ളാംട്ടോ.....

4:19 am  
Blogger maheshcheruthana/മഹേഷ്‌ ചെറുതന said...

മഞ്ചുക്കുട്ടി,
കാലികപ്രസക്തി ഉള്ള വിഷയം!
വളരെ നല്ല വരികള്‍‌!!
ബൂലോകം നല്‍കുന്ന ആത്മവിശ്വാസത്താല്‍
ഇനിയും എഴുതുക എല്ലാ ആശംസകളും!

9:54 am  

Post a Comment

Links to this post:

Create a Link

<< Home