സ്വപ്നഭൂമി

ഇതെന്റെ താഴ് വാരം, കുങ്കുമം പൂക്കുന്ന-
കാശ്മീരം പെയ്യുന്ന സ്വപ്നഭൂമി
എന്നോ ഒരിയ്ക്കല്‍ ഈ താഴ് വാരത്തിന്റെ
മനോഹാരിത നിങ്ങളുടെ-
സ്വപ്നങ്ങളെയും കവറ്ന്നിരുന്നു

എന്നാല്‍ ഇപ്പോള്‍ അവിടത്തെ
നിശബ്ദതയെ ഭേദിയ്ക്കുന്ന വെടിയൊച്ചകളും
രോദനങ്ങളും സ്വപ്നങ്ങളെ മറക്കാന്‍
താഴ് വാരത്തെ മറക്കാന്‍
നിങ്ങളെ നിര്‍ബന്ധിതരാക്കിയിരിയ്ക്കാം

താഴ് വാരം നല്‍കുന്ന പൈതൃകം
പോലും ഇന്നെന്റെ സോദരറ്ക്കു-
തടവറയിലേയ്ക്കുള്ള പാത തീറ്ക്കുന്നു
രക്ഷയാകേണ്ട കൈകള്‍
അവറ്ക്കുമേല്‍ ചൂതാട്ടം നടത്തുന്നു

അസ്ത്ഥിത്വം പോലും ചോദ്യം
ചെയ്യപ്പെടുന്ന ഈ വേളയില്‍
എന്റെ താഴ് വാരത്തെ മറക്കാന്‍
എന്റെ സ്വപ്നങ്ങളെ മറക്കാന്‍ എനിയ്കാവില്ല്ല.

താഴ് വാരത്തിന്റെ ശാന്തത വീണ്ടെടുത്ത്
ആ മനോഹാരിതയില് മോക്ഷത്തിനായി
എനിയ്ക്കെന്റെ സ്വപ്നങ്ങളെ തപസ്സിരുത്തണം