കാത്തിരുപ്പ്

മടക്കയാത്രയ്ക്കായുള്ള അനുമതിയ്ക്കാ-
യാണെന്റെ കാത്തിരുപ്പ്
ഒരുക്കങ്ങള്‍ പൂറ്ത്തിയായിക്കഴിഞ്ഞു
ഇനി പ്രവേശനാനുമതി
ലഭിയ്ക്കുകയേ വേണ്ടൂ...

പതിവിനു വിപരീതമായി
ഈ യാത്രയില്‍ ഞാനെന്റെ-
നേട്ടങ്ങളുടെ കണക്കുകളോ
നഷ്ടങ്ങളുടെ വിഴുപ്പുകളോ
കൂടെ കൂട്ടുന്നില്ല.......

നിന്നിലേയ്ക്കുള്ള യാത്രയില്‍
ഇന്നെനിയ്ക്കു കൂട്ട്
നിന്റെ പ്രണയം മാത്രം...

ഈ കാത്തിരുപ്പ് അസഹ്യമെങ്കിലും
അനുവാദമില്ലാതെ കടന്നുവന്ന്-
നിന്റെ പ്രണയത്തെ -
നഷ്ടപ്പെടുത്താന്‍ എനിയ്ക്കാവില്ല..
അനുമതി ലഭിയ്ക്കുവോളം ഞാന്‍
കാത്തിരുന്നേ മതിയാവൂ....